මේකනම් පට්ට සරළයි!! ඒ නිසා මුලින්ම දාන්නම්!! හැබැයි ෆොටෝ නෑ!!

අවශ්‍ය ද්‍රව්‍ය -

අගලක් විතර ඉගුරු කෑල්ලක්
දෙහි ගෙඩියක්
සීනි මේස හැදි 4ක්
අයිස් වතුර වීදුරු 2ක්
මිලි 500 සෝඩා බෝතලයක්

ඉගුරු පොඩි කෑලි වලට කපා ‍බ්ලෙන්ඩරයට දාන්න
සීනි, දෙහි ගෙඩියෙ යුෂ, වතුර කෝප්ප 1/2කුත් දමා බ්ලෙන්ඩ් කරන්න.
ඉගුරු හොදින් ඇඹරුණ පසු ඉතිරි වතුර වීදුරු 1 1/2 ද දමා නැවත තත්පර 2ක් බ්ලෙන්ඩ් කරන්න.
දැන් එය පෙරා හිස් වීදුරු 4කට 1/2 බැගින් දමා ඉතිරි 1/2 සෙමෙන් සෝඩා වලින් පුරවන්න.

දැන් ඉතින් බොන්න!!!

ෆ්‍රෙෂ් පිටම බොන්න ඕනේ!! කල් තැබීමේදී රස වෙනස්වෙනවා!!

හදලා පුරුදු වුනාම ඔරිජිනල් රසම එන විදියට අමුද්‍රව්‍ය ප්‍රමාණවල් වෙනස් කරගත හැකියි!!
 අඩුවතුර අඩු කරලා  වැඩිපුර සෝඩා දාගන්නත් පුලුවන්!!

 චීස් හදමු!!

මේකත් සරලයි!!

අවශ්‍ය ද්‍රව්‍ය-

නැවුම් කිරි ලීටර් 1 යි
මුදවපු කිරි මිලි 500 යි
ලුණු කුඩු තේ හැදි 1/2ක්

ක්‍රමය-

කිරි සාස්පානකට දමා හැදිගාමින් රත් කරන්න.
මුදවපු කිරි ටික හැන්දකින් බීට් කරන්න.
කිරි උතුරන්න ලං වෙන කොට මුදවපු කිරිටික දමා හොදින් හැදි ගාන්න.
එවිට කිරි කැට ගැසේ. මදක් උතුරන්න හැර තුනී රෙදි කෑල්ලකින් පෙරා කැට ගැසුනු කිරි ටික එකතු කර ගන්න.
දැන් හොදින් මිරිකා බොලයක් සේ සකසා වතුර බේරෙන්න පැය 4-5ක් එල්ලා තබන්න.
ඉන්පසු භාජනයකට දමා ලුණු එක් කර ඇලෙන ගතිය එන තෙක් අනන්න.
ටිකක් කාලා බලා ලුණු මදිනම් තව එක්කරන්න.
දැන් තමන් කැමති හැඩයකට සකසා ශීත කරනයේ තබන්න.

දින 2-3කින් කාලා ඉවර කරන්නග නැත්නම් පුස් කනවා!!

 

 

 
මෙන්න KFC වගේ චිකන් හදන විදිය.

අවශ්‍ය දුව්‍යය-

සම ඉවත්කරගත් චිකන් වින්ග්ලට්, තයිස් හෝ කුඩා පුමාණයේ ඩ්‍රම්ස්ට්ක් කීපයක්
බිත්තර 1ක්
පාන්පිටි ග්‍රෑම් 250ක්
කෝන් ෆලවර් ග්‍රෑම් 50ක්
ටොමැටෝ සෝස් මේස හැදි 2ක්
රතු මිරිස් කුඩු තේහැදි 1/2ක්
ගම්මිරිස් කුඩු තේ හැදි 1/2ක්
ලුණු තේ හැදි 1ක්
අජිනමොටෝ තේ හැදි 1/2ක් (කැමතිනම් පමණි)
දෙහි යුෂ හෝ විනාකිරි තේ හැදි 2ක්
බැදීමට තෙල් ලීටර් 1ක් පමණ

සාදන ක්‍රමය-

අයිස් හොදින් ඉවත් කර කුකුල් මස් වල හරස් කැපුම් කීපයක් යොදන්න
ඉන්පසු මිරිස් කුඩු, ගම්මිරිස් කුඩු, ලුණු, දෙහි යුෂ,අජිනමොටෝ දමා අනන්න.
පසුව ටොමැටෝ සෝස් එක්කරන්න.
අවසානයේ බිත්තරය කඩා දමා හොදින් දවටා ශිතකරණයේ පහල කොටසේ පැය 2ක් පමණ තබන්න.
දැන් පාන්පිටි , කෝන් ෆ්ලවර් හා ලුණු ස්වල්පයක් වෙනම භාජනයක එකට මිශ්‍රකරන්න.
ඉන්පසු චිකන් කැබලි එක එක වෙනම ගෙන පිටි මිශ්‍රණයේ පෙරලා ගන්න.
වැඩිපුර පිටි හොදින් ගසා දමා පසෙකින් තබන්න.
ගැඹුරු භාජනයක තෙල් දමා මධ්‍යම ගින්දරෙන් හොදින් රත්වූ පසු චිකන් ටික ටික දමා රන්වන් පාට වෙන තුරු බැද ගන්න!!
දැන් උණුවෙන්ම සෝස් සමග ගිල දමන්න